Подкаст за филмови


„Во филм“ е македонски подкаст за филмови снимен во форма на неформален разговор.
Целта на овој подкаст е да отвораме теми поврзани со филм на начин ослободен од зададените норми на пристап кон оваа тема. Тука ќе се забавуваме ќе дискутираме, ќе разглабаме необични теории и мислења и ќе даваме свои читања и видувања на филмовите и сериите, кои нѐ интересираат и се популарни.
Ќе погледнеме и подлабоко кон теми кои ги обработуваат некои филмови и пораките кои сакаат да ни ги испратат. Зошто е потребна разновидност во репрезентација во филмовите, што значи добра кинематографија, зошто музиката е важна во зголемување на слоевитоста на филмот и т.н.

Освен тука подкастите ќе може да ги најдете на вашиот омилен подкаст плеер. Google podcast, p Podcastaddict, iTunes, spotify. Пишете доколку сакате да го регистрираме и на друго место

Подолу е листата на епизоди, секоја со своја тема. Убаво слушање.

Најдобри филмови и серии во 2019 - еп.1

Во оваа епизода разговараме за нашите омилени филмови и серии од 2019 и забележуваме кои теми се најприсутни. Има доста спојлери за „Parasite“.

The Irishman & Once upon a time...in Hollywood компарација - еп.2

Во оваа епизода правиме споредба и анализа на „The Irishman“ На Мартин Скорсис и „Once upon a time...in Hollywood“ на Квентин Тарантино. Што е заедничко на овие два филма омилени кај критичарите и публиката во 2019 година? Има спојлери за двата филма

„Woke“ филмови дали е тоа нешто лошо? - еп. 3

Феминизам, политичка коректност и „воукнес“ во филмовите - дали е напорно и ја уништува уметноста или е потребно како вода во пустина? Гостин ни е Калиа Димитрова активистка за женски права, уредничка на порталот https://meduza.mk/ и креатор на платформата Медуза.

Моќта на политичките пораки (и дали ги има) во „Паразит“ и „Џокер“ - еп.4

Овој пат малку излегуваме од филмот и влегуваме во општеството. Се прашуваме: Дали зачестената обработка на темата „капитализам и класни разлики“ во популарните филмови, може да доведе до некаква зголемена општествена и политичка свест за тие проблеми? Гостин ни е Никола Гелевски - колумнист, издавач, уредник на порталот https://okno.mk/ и маркантна фигура во македонската културна сцена.

Westworld и развојот на свеста, човештвото и приказните – еп.5

Разговараме со Ана Блажева за нашата омилена серија Westworld, веднаш по завршувањето на нејзината трета сезона. Во фокус ни се приказните кои серијата ни ги раскажува, нивната важност и релевантност. Разменуваме размислувања за настаноците на свеста и колку стварно сме свесни, кон што е насочено човештвото и дали ни има спас :)


РАЗГОВОРИ

Овој подкаст пред сѐ е за разговори за филмови кои вредат да се разговара за нив. Меѓусебно или со гости кои може, но не мора, да се неексперти како нас ;)

АНАЛИЗИ

Ѕиркање подлабоко, неочекувани компарации и разни теории. Ова е делот во кој посебно ќе се забавуваме.

ПРЕПОРАКИ

Топ листи нема да се основни двигатели на овој подкаст, но ќе бидат присутни кога ќе се појави потреба. Препораки пак, ќе имаме постојано, но можеби не секогаш со доволно објаснување.

КОМУНИКАЦИЈА

Вашиот фидбек е важен. Така што очекуваме: коментари, мејлови, прашања, мислења и препораки за теми. Очекуваме и по некое мрчење. Знаеме кај сме :)

Пишете, јавете се, коментирајте, твитнете
@motokko mail> biljana@taneska.com


Во филм е креација на Билјана Танеска - комуниколог, филмовил и маркетинг стратегист. Со огромна поддршка од АЛШАР студио.

Ова е ентузијастички проект кој има за цел да ја донесе убавината и навиката на слушање и подготвување подкасти во Македонија. Се надеваме дека овие наши обиди, ќе придонесат за поголема заинтересираност за подкасти, како и нивна зголемена продукција.

Сите сме по социјални медиуми, па таму може да ја продолжиме приказната.


Тука може да нѐ најдете

 

Предложи тема


пиши твое мислење, или дај ни предлог тема .


ПИШИ НИ